Jaialdia
Donostia Festibala Donostiako Hipodromora itzuliko da asteburu honetan
Donostia Festibala irailaren 16an eta 17an izango da, Estatuko eta bertako artista handiekin, hala nola Lola Indigo, Melendi, Nil Moliner, Stay Homas edo Bulego.
Donostia Festibala hirira dator berriro asteburu honetan, Estatuko pop-rock munduko musikari garrantzitsuenak ekarriz hamaikagarren ediziorako. Uda bukatzeko modu ezin hobea, gaur egun entzuten diren soinu ezagunenak eta berrienak bilduz jaialdian, Donostia Festibala jaialdiko ikus-entzuleen askotariko gustuen adierazgarri.
Guztira 16 artista arituko dira Donostiako Hipodromoko Keler eta Bigarrena agertokietan; Estatuko eta Euskal Herriko pop-rock musika, mota guztietako eta belaunaldi guztietako ikus-entzuleak konkistatzeko asmoz.
Oraindik ere eskuragarri daude sarrerak webgune hauetan: www.donostiafestibala.com eta seetickets.es/com, baita lehiatilan ere.
OSTIRALA, IRAILAK 16
Jaialdia irailaren 16an hasiko da, ostiralean, eta luxuzko programazioa izango dugu bi agertokietan.
Keler agertokiari dagokionez, Iruñeko Andrea Santiago abeslaria eta Nøgen euskal taldea arituko dira, eta, horien ondoren, azken urteotako pop izar handietako bat, Lola Indigo, bere abestiekin marka guztiak urratu eta estadio guztiak betetzea lortu duen artista polifazetikoa. Haren atzetik, ezagun egiten ari den Nil Moliner artista geldiezina, jaialdiari distira berezia emango diona bere Nuestra Locura Tour bira arrakastatsuarekin.
Bigarrena agertokiari dagokionez, ostiralean Arnau Griso katalanak eta Bengo oiartzuar ezaguna, MARLON hirukoa edo Julen kantautore eibartarra arituko dira.
LARUNBATA, IRAILAK 17
Irailaren 17an, larunbatean, artista nagusia Melendi izango da Keler agertokian; Estatuko pop abeslari garrantzitsuenetakoak estudioko hamaikagarren lana aurkeztuko digu Donostian, Likes y Cicatrices, bere made in Asturias soinu enblematikoenak eta letra kantagarrienak ere eskainita.
Agertoki berean arituko dira, halaber, Marlena indie-pop bikote hasiberria, bere melodia bizi eta egunerokotasuneko letrekin, konfinamendu bete-betean sortu eta ezagun egin zen Stay Homas taldea, eta Idoia arabarra, euskal eszenan etorkizun handienetakoa duen artista; azken horrek Ilun eta abar diskoa aurkeztuko du jaialdian, bere euskal sustraiak soinuekiko interes berriekin uztartzen dituen lan berria.
Bigarrena agertokian, Sofía Ellar kantautore eta konpositorearen emanaldia izango dugu, berezkoak dituen naturaltasun eta freskotasunez Libre hirugarren diskoa aurkeztuko baitu kaleratu eta egun gutxitara; Veintiuno laukote gazteak energiaz beteriko Corazonadas eskainiko digu; Bulego euskal taldearen pop erritmo dantzagarriez gozatzeko aukera ere izango dugu, eta Oriotik Intza pop artista etorriko da.
DONOSTIAKO HIPODROMOA
Donostiako Hipodromoa 17:30ean zabalduko da bi egunetan, uda donostiarraren amaierako soinu-banda bihurtuko diren kontzertuak eskaintzeko.
Musikaz gain, jatekorik ere ez da faltako jaialdian, gustu eta elikadura-behar guztiak asetzeko moduko janari-postuekin; eta, gainera, look-aldaketa bat egiteko aukera ere izango dugu, nahi izanez gero, jaialdiaren sarreran ile-apaindegi bat egongo baita.
Bestalde, 400 ibilgailu baino gehiago aparkatzeko aparkaleku bat ere prestatu dugu, doan, jaialdira autoz etortzea erabakitzen dutenentzat.
Donostia Festibala jaialdiaren antolatzaileok gure esker ona adierazi nahi diogu, bereziki, Gipuzkoako Foru Aldundiari, ekitaldi hauek gauzatzeko ezinbestekoa baita, gainerako babesle eta laguntzaileekin batera.
DONOSTIA FESTIBALA Irailak 16 eta 17, 2022 Donostiako Hipodromoa #donostiafestibala IRAILAK 16 OSTIRALA KELER AGERTOKIA 18:35h – Andrea Santiago 20:15h – Nogen 22:30h – Lola Indigo 1:35h – Nil Moliner BIGARRENA AGERTOKIA 18:00h – Julen 19:25h – Bengo 21:25h – Marlon 00:15h – Arnau Griso LARUNBATA, IRAILAK 17 KELER AGERTOKIA 18:40h – Idoia 20:30h – Marlena 23:00h – Melendi 02:40h – Stay Homas BIGARRENA AGERTOKIA 18:00h – Intza 19:30h – Veintiuno 21:40h – Sofía Ellar 01:30h – Bulego Sarrerak eros daitezke oraindik www.donostiafestibala.com jaialdiaren webgunean, seetickets.es/com eta lehiatilan. |