The Pretenders distira betean Azkena Rock Festival jaialdiaren bigarren egunean

Incubus eta The Soundtrack of Our Lives ere nabarmendu dira gaur Mendizabalako agertokietan Bihar Iggy Pop, Lucinda Williams, Melvins, The Phantom Surfers eta beste talde askoren txanda izango da

Azkena Rock Festival jaialdiaren 21. edizioak bigarren eguna izan du gaur, eta rock & rollaren estiloetan barrena bidaia bat egin ahal izan dugu Mendizabalan, belaunaldiarteko kartel eklektiko batekin, bertan bildutako ikus-entzuleak bezalaxe.

Chrissie Hynde karismatikoa pop-rock estiloko talde garrantzitsuenetako baten, The Pretenders taldearen alma materrak garai guztietako hit-ak eskaini ditu, publiko guztia bereganatzea lortu duela. Proposamen ezagunenen artean Incubus eta Matchbox rocabilly beteranoak aipatu ditzakegu. Gauak aurrera egin ahala, americana talderik adierazgarrienaren txanda izango da, Calexico, eta azken urteotan berriz elkartzeko irrikaz egon garen The Soundtrack of Our Lives ere ikusteko aukera izango dugu.

Rockaren kutsu berria

Rock & rolla etengabeko bilakaeran dagoen generoa da eta, proposamen berriak sortu ahala, Azkena Rock Festival jaialdira horien ordezkariak ekartzen ditugu; oraingoan, S8NT ELEKTRIC berritzaileak izango dira, Slash-en semearen taldea; Leiva eta Adan Jodorowsky-ren The Guapos supertaldea, gaurko ezusteko gozagarrietako bat, zalantzarik gabe. Hasieran, Bones of Minerva madrildar gazteen gitarra astunak entzun ahal izan ditugu, eta une bikainak bizi ditugu Cordovas taldearen sustrai amerikarrekin; talde horri ez diogu pista galduko datozen urteotan.

Trashville apustu segurua da generoaren alderdi basati, errebelde eta dibertigarrienaz gozatzeko. The Reverend Peyton’s Big Damn Band taldearen arrakasta itzela izan da, redneck energia geldiezinarekin; horien aurretik, energiaz beteriko  The Cleopatras italiarren garage eta surf rock doinuak nagusitu dira, eta Los Tiki Phantoms taldeak argi erakutsi du zergatik den Estatuko surf rock estiloko talde errespetatuenetako bat.

Bihar, jaialdiari ginga jarriko diote Iggy Pop eta Lucinda Williams artistek, besteak beste

Jaialdiaren azkeneko eguna izango da bihar, larunbatarekin, eta hasiera emateko  Chuck Prophet & The Mission Express izango ditugu, Gasteizko plazarik esanguratsuenean. Kontzertuen gunean, bi mito izango ditugu zerrendaburu, hala nola punkaren aitabitxi eta rockaren ikono den Iggy Pop, eta amerikar generoak duen konpositore eta interprete onenetako bat, Lucinda Williams. Horietaz gain, Alter Bridge taldearen hard rocka Miles Kennedy-ren ahots ezagunarekin, The Bevis Fronden power popa, Brigade Loco euskal fenomenoa, amore ematen ez duen Ezpalak taldearen rock freskoa, bertsioak egiten dituen Jim Jones All Stars polifazetikoaren taldea, Lucero kuttun eta ezinbestekoak, Melvins mitikoak, jaialdiko ikus-entzuleek gehien eskatzen duten taldeetako bat, The Nude Party, talde handiek gomendatzen duten taldea, Jugoslaviako Ana Popovic gitarrista birtuosoa, Amanda Shires country artista iparramerikarra eta Estatuko Suzie Quatro-ak eta The Runaways taldeko kide batek osatzen duten Nat Simons & Cherie Currie comboa, kontzertu bakarrean.

Trashville gunean, King Salami and The Cumberland Three  taldearen rockabilly-eztanda dibertigarria, 60ko hamarkadako kutsua duen garagea egiten duten Lost Cat eta The Phantom Surfers taldeetako kideak, eta sare sozialetan biral egin den jam entzutetsuenetako baten egile den Steel Beans multiinstrumentista. Jaialdia agurtzeko, DJ hauek arituko dira:  Ayuken Djs, Carmela Maracas & Lupita Mambo, Ningún DJ eta Rock&Roll Police Department.